سەعات ٥ی دوانیوەڕۆ بەدوای بانگێشتی کەسایەتیە پسپۆڕەکان و ئاگاداری بۆ ئەندامانی بنیاد، کۆبوونەوەیەک لە دەفتەری بنیاد بە مەبەستی ڕاگۆڕینەوە پێکھات.

پێشەکی کاک مەنسوور بە نوێنەرایەتی ھەیئەت مودیرە، دوای پیرۆزبایی لە ئەندامان و میوانان، گوزارشتێکی دەربارەی ھەڵبژاردنی ھەیئەت مودیرەی نوێ و پێکھێنانی کومیتەکان و کارەکانی ئەم دواییەی بنیاد، بە حازران ڕاگەیاند.

پاشان، پسپۆڕانی حازر لە کۆبوونەوەکە بۆچوون و پێشنیارەکانی خۆیان بەم شێوە ڕاگەیاند (پێویستە لە سەر ئەم بابەتانە کار بکرێت):

– بەڕێز پرۆفیسۆر عەبدوڵڵا سەلیمی( ئاستەنگی حاشیەنشینی و کێشەکانی، پێویستی خزمەتگوزاری لە بوواری بێھداشت و سڵامەت بۆ شارۆمەندان، بەتایبەت بۆ مسافران و میوانانی شارەکەمان، زیاتر کردنی پێوەندی لەگەڵ مەدرەسەکان بەتایبەت لە بوواری ژینگە و خوێندکاری)

– بەڕێز دوکتور ئومید قادرزادە(پێوەندی و بەکارھێنانی ئەزموونەکانی زانسگەی کوردستان، کارکردن لەسەر زانستە ناوچەییەکانی و ناسین و زیندووکردنەوەیان، کار بۆ دۆزینەوە و بەکارھێنانی جێگرەوەیەک بۆ دەربڕینی شادی و خۆشی، بەجێی تەقەمەنی لە ڕێوڕەسمی نەورۆزاندا)

– بەڕێز دوکتور جەمال سەلیمی( پێشنیاری دانانی کومیتەیەک بۆ بێھداشت و سڵامەت و گرینگی دانی زیاتر بەو بابەتە سەرەکییە، دانانی میکانیزمێکی ڕوون بۆ گەشەپێدان و پتەوکردنی پێوەندییەکای ئاشتی لەگەڵ خۆمان و کۆمەڵگاکەمان)

– بەڕێز دوکتوڕ محەممەد ئەحمەدپوور(ھەوڵدان بۆ ھێنانی زانستگەی بێھداشت و سەلامەت بۆ بانە، واحدی سەلامەت گەورەتر بکەنەوە ، کردنەوەی بەش یان لقێک لە زانستگەی علوم پزشکی لە بانە، ئەم کارانە ئەتوانین بکەین و من پاڵپشتیتان لێ ئەکەم . ئەتوانن بۆ بەدیھێنانی ئەم ھەدەفانە لە سەر یارمەتی و پاڵپشتی خۆم و بەڕێز دوکتور ئاکۆ عەزیمی، ئەندامی ھەیئەت علمی زانستگەی مەراغە حساب بکەن.)

– بەڕێز کاک ئازاد کەماڵی ئەندامی ئاشتی(پێشنیاری دامەزراندنی کۆمپانیایێکی سهامی گشتی بۆ پشتگیری چالاکی فەرهەنگی زیاتر، پێشنیار کرد )

دیکەی پێشنیارەکانی ئەم کۆبوونەوە:

– بەڕێز کاک غفور صالحی ئەندامی ئاشتی :  بەشی پێوەندیەکان زەق بکرێنەوە (دانانی کومیتەی پێوەندییەکان- ارتباطات) یان دانانی واحدی پێوەندییەکان لەسەر کومیتەی بانکی اطلاعاتی(بانکی زانیاری و پێوەندیەکان) – پێکھێنانی کومیتەیەک بەنێوی (کومیتەی پسپۆڕی- کمیته تخصصی) بە مەبەستی گەشە و پەرەپێدان بە کاری زانستی و تحقیق و لێکۆڵینەوەی زانستی و دانانی ژوورێکی تێلێگرامی ھەر بەو مەبەستە بۆ ڕاوێژی پسپۆڕانی بوارە زانستییەکان و بەکارھێنانی لە پڕۆژەی فەرھەنگی و ئابووری بەپێی پێویست. – دانانی کارگەی فێرکاری زمانی دایکی ( خوێندنەوە و نووسین بە زمانی کوردی) بۆ ھەموو ئەندامانی بنیاد بەو ھیوایەی لە ماوەیەکی زەمەنیدا گشت ئەندامان بتوانن لە زمانی دایکی خۆیان وەک زمانی فارسی و… کەڵک وەربگرن

کومیتەی ئاموزش و مشاورە
بنکەی گەشەی فەرھەنگی بانە- ئاشتی

ڕۆژی شەممە ٥ی خاکەلێوەی ١٣٩٦ی ھەتاوی