آشتی
درباره ما

درباره ما

ئاشتی - بنیاد توسعه فرهنگی بانه سازمانی غير انتفاعي و غير دولتي و مردمی بوده که در راستای ارتقای سطح فرهنگی و گسترش آن فعالیت مینماید. بر این اساس ما جمعی از شهروندان شهرستان بانه بر آن شدیم که با تأسیس یک نهاد مدنی که به طور خاص رویکردی فرهنگی دارد، تلاش نماییم که مسایل و مشکلاتی را که گریبانگیر شهر و دیارمان شده است از صافی عقل جمعی عبور داده و با همت مسئولانه خویش در صدد حل آنها و ارائه راهکارهی لازم برآییم. لذا بر خود لازم دانستیم که در این برهه زمانی، ضمن احساس مسئولیت مدنی، سایر…[ادامه]

درباره ما
خواندم !

شانۆی”ئاژەڵ” بەرهەمی زەحمەت و ماندووبوونی “گرووپی هونەری هیوا”یە لە شاری بانە.

نوشته شده توسط در تاریخ ۱۴۰۲-۰۲-۰۲ 471 بازدید

👁 شانۆ ئاوێنەی نیشاندەری ژیانی کۆمەڵگایە. شانۆ ئەو پەنجەرە داخراوەیە، کە دەکرێتەوە بە ڕووی چاو و زەین و ڕۆح و عەقڵی تاک و کۆمەڵگادا. شانۆ ئەو پەنجەیە، کە بوێرانە پەردەو دەمامکەکان، لەسەر دیاردەو ڕووداوەکان لا دەداو، ڕاستییەکان پێشکەش بە بینەران دەکات.

👁 “شانۆی ئاژەڵ”، لە نووسین و دەرهێنانی هونەرمەندی بە ئەزموونی شارەکەمان، “فەرزاد حەسەن میرزایی”، هاتە مەیدانەوەو دیاردەیەکی خستەڕوو کە زۆربەی کۆمەڵگای ڕۆژهەڵاتی ناوین بەگشتی و کۆمەڵگای کوردەواری بەتایبەتی، بە ترس وخۆفەوە حەز بە شاردنەوەی دەکەن.

👁 فەرزاد ح م، خاوەنی ئەو بەرهەمە دەڵێ: “ئاژەڵ”، نمایشێکە بۆ بەرنگاربوونەوەی توند و تیژی دژی ژنان” دووایی بەم شێوە ناوەڕۆکی بەرهەمە هونەرییەکەی پێناسە دەکات: “شەرمەزار کردنی دیاردەی ناشرینی ژن کوژی، لەژێر ناوی نامووس و شەرەف” و، پێی وایە: “ئاژەڵ” بە نیگایەکی دەروونناسی و کۆمەڵناسی دەڕوانێتە کۆمەڵگایەک کە نەک ژنان، بەڵکوو گشت کۆمەڵگا، قوربانی سەرەکی ئەو دیاردەیە”

👁 شانۆی”ئاژەڵ” بەرهەمی زەحمەت و ماندووبوونی “گرووپی هونەری هیوا”یە لە شاری بانە.

👁 شانۆی “ئاژەڵ” هەر چەن نوێیە، بەڵام زۆر زوو ڕووی کردە مەیدانی کێبەرکێی بەرهەمە هونەرییەکان و لە ۲۵ی گوڵان ی ئەمساڵدا، لە حەفدەهەمین فستیڤاڵی شانۆی کوردی، لە هۆڵی مەکۆی فەرهەنگی هونەری شاری سەقز، نمایش کرا و، لە ئەنجامدا وەک هەڵبژاردەی یەکەم دەستنیشان کرا و جگە لەوە بووە خاوەنی ۴ خەڵاتی یەکەمی (دەرهێنەر، ئەکتەر، دیکۆڕ، جل و بەرگ) و خەڵاتێکی دووهەم لە ئایتێمی(ڕووناکی).
👁 لە کۆتاییدا، هەر لەو فستیڤاڵە، لە “دەقی شانۆ”ییدا، “فەرزاد ح م” و، لە بەشی “ئەکتەر”ی ژن دا، “بەهار فەتحی” و، لە بەشی “مۆسیقا”دا، “نەسترەن حەمزەیی”، وەک کاندید بۆ فستیڤاڵی نەتەوەیی و نێونەتەوەیی هەڵبژێردران.

👁 شانۆی “ئاژەڵ”، هەر لە فستیڤاڵی شاری سەقز، لە لایەن بەرپرسی “گرووپی شانۆی هاوڕێیانی گەزیزە”ی شاری سلێمانی، بانگهێشت کرا بۆ نواندن لە شاری سلێمانی.

👁 شانۆی “ئاژەڵ” لە ڕۆژانی ۱۱و ۱۲ی پووشپەڕی ئەمساڵ(۱۴۰۱)ی هەتاوی، بە ئامادەبوونی هونەرمەندان و هونەردۆستان، لە هۆڵی ڕۆشنبیری سلێمانی، هاتە نواندن و لەوێش لەگەڵ پێشوازی گەرم ڕووبەڕوو بوو و، لە نێو زۆربەی ڕاگەیەن و ڕۆژنامەو مێدیا و شاشە تەلەفیزیۆنیەکاندا دەنگدانەوەیەکی چڕ و بەرچاوی هەبوو.

👁 وەک “بنکەی ئاشتی”بانە، پیرۆزبایی گەرمی خۆمان، پێشکەش بە نووسەر و دەرهێنەری شانۆ، بەڕێز “فەرزاد حەسەن میرزایی” و “گرووپی شانۆی هیوا” و گشت ئەکتەر و یاریدەدەرانی خوڵقاندنی ئەو بەرهەمە هونەرییە دەکەین و بە شانازییەوە دەڕوانینە زەحمەت و ماندووبوون و بەرهەمە هونەرییەکانیان و بە هەبوونی پێتانسیێلی هونەرمەندانی بەتوانا، گەشبینین لە دواڕۆژی گەشە و پێشکەوتنی هونەری و فەرهەنگی شارەکەمان. هیوادارین بەردەوام بن لە خوڵقاندن و
سەربەرزی و بەختەوەریتان بۆ بەئاوات دەخوازین

یەکشەممە، ۹ ی گەلاوێژی ۱۴۰۱ی هەتاوی
بنکەی گەشەی فەرهەنگی بانە(ئاشتی)
https://t.me/ashtybane

برچسب ها : ، ، ، ،

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *