آشتی
درباره ما

درباره ما

ئاشتی - بنیاد توسعه فرهنگی بانه سازمانی غير انتفاعي و غير دولتي و مردمی بوده که در راستای ارتقای سطح فرهنگی و گسترش آن فعالیت مینماید. بر این اساس ما جمعی از شهروندان شهرستان بانه بر آن شدیم که با تأسیس یک نهاد مدنی که به طور خاص رویکردی فرهنگی دارد، تلاش نماییم که مسایل و مشکلاتی را که گریبانگیر شهر و دیارمان شده است از صافی عقل جمعی عبور داده و با همت مسئولانه خویش در صدد حل آنها و ارائه راهکارهی لازم برآییم. لذا بر خود لازم دانستیم که در این برهه زمانی، ضمن احساس مسئولیت مدنی، سایر…[ادامه]

درباره ما
خواندم !

ڕۆژی جیهانی زمانی دایک

نوشته شده توسط در تاریخ ۱۴۰۰-۱۲-۰۳ 392 بازدید

هاونیشتمانیانی بەڕێز و خۆشەویست

ڕۆژی جیهانی زمانی دایک، لە ئێمەی کورد و گشت نەتەوەکانی ئێران و جیهان پیرۆز بێت.

بەخۆشحاڵییەوە ئەمساڵیش وەک هەموو ساڵانی پێشوو، گەیشتینەوە بۆنەیەکی پیرۆزی وەک ڕۆژی جیهانی زمانی دایکی کە ئەرکی ئەخلاقی و نیشتمانی هەر نەتەوەیەکە، بایەخی پێبدات و بەرز و پیرۆزی ڕابگرێت.

کەسێک کە زمانی دایکی بە باشی نەناسێت و بە باشی بەکاری نەهێنێت، بە دڵنیاییەوە ناشتوانێت خۆی بناسێت و دونیای خۆی بە باشی بدۆزێتەوە.

گومانێک لەوەدا نییە کە زۆر ڕێگر هەن بۆ فێر بوونی خوێندن و نووسین بە زمانی کوردی. لەگەڵ ئەوەی کە هەرگیز نابێ لە داوای مافی خۆمان بۆ بە فەرمی ناسینی فێرکاری و پەروەرە بە زمانی کوردی، دەستبەردار بین،  بەڵام نابێ ئەرکی خۆشمان بۆ ئەو پرسە گرینگە فەرامۆش بکەین. ئەرکێک کە بۆخۆشمان بەچاکی جێبەجێمان نەکردووە و ناتوانین حاشا لەوە بکەین کە کەم تەرخەمی خۆمانیشی تێدایە. بۆیە پێویستەو دەبێ باسی زمانی دایکی خۆمان جیدی بگرین و وەک ئەرکێکی ئەخلاقی و نیشتمانی لێی بڕوانین.

ئێستا ئیتر کاتی ئەوە هاتووە کە شۆرشێکی فێرکاری بۆ فێربوونی نووسین و خوێندنەوە بە زمانی کوردی بەرپا کەین.

با دەسپێکی شۆرشەکەمان ئەوە بێت کە خۆمان و منداڵەکانمان ڕوو لە خول و وانەکانی فێربوونی زمانی کوردی بکەین. شۆڕشێک کە هەموو تێیدا بەشدار بین. هەموو بنەماڵەکان لە منداڵ و لاو و گەنج و گشت کۆمەڵگای کوردەواری. خەباتێکی فێرکاری بە بەشداریی نووسەران و شاعیران و هونەرمەندان و مامۆستایانی پەروەردە و مامۆستایانی ئایینی و کەڵک وەرگرتن لە گشت پێتانسیێل و تواناییەکانی ئەم خەباتە پیرۆزە.

ئێمەش وەک نەتەوەی کورد، تەنها بەو شێوە دەتوانین بیسەلمێنین کە زمانی دایکی خۆمان بەلاوە پیرۆزە. تەنها لەو ڕێگەوە دەتوانین هەم ئەم بۆنە پیرۆزە بەرز بنڕخێنین، هەم هەنگاوی کردەیی بۆ پەرەپێدانی فێربوونی نووسین بە زمانی کوردی هەڵێنین.

بەرز و پیروز بێت ۲ی ڕەشەمە، ڕۆژی جیهانی زمانی دایکی

۲ی ڕەشەمەی ۱۴۰۰ی هەتاوی

بنکەی گەشەی فەرهەنگی بانە(ئاشتی)

https://t.me/ashtybane

برچسب ها : ، ، ، ، ، ،

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *