شاعیر، ڕۆماننووس ، وەرگێر و نووسەری ماندوو نەناسی دیاری کورد

بەیان سەلمان
مرۆڤ لە هەموو جێیەک دروستکەری ژیانە، ڕووی ئەودیوی خودی ژیانە .(بەیان سەلمان)

شاعیر، ڕۆماننووس ، وەرگێر و نووسەری ماندوو نەناسی دیاری کورد
لە دایکبووی ۱۹۶۱ لە کەرکووک، هەر لە وێ خوێندنگەی سەرەتایی و ناوەندی و ئامادەیی تەواو کردوە،ساڵی ۱۹۸۱ بۆ ۸۶ لە زانستگای بەغدا کۆلێژی ئابووری و بازرگانی تەواو کردووە، ساڵی ۱۹۹۲ بۆ ۹۸ لە ڕێکخراوە مرۆڤایەتییەکاندا کاری کردوە و هەر لە هەمان ساڵداڕویشتووە بۆ پاریس و لە وێ دەژی. ساڵی ۲۰۰۰ بۆ ۲۰۰۱ دیپلۆمی ئەدەبی هاوچەرخی لە زانکۆی پاریس و ۲۰۰۱بۆ ۲۰۰۲ دیپلۆمی لیسانس و ۲۰۰۲ بۆ ۲۰۰۴ دیپلۆمی بەکالۆریۆسی ئەدەبی هاوچەرخ و ئەدەبی فەرەنسی، تایبەتمەندێتی لە لە ئەدەبی ژیاننامە و ئۆتۆفیکشن خەیاڵی و ۲۰۰۵ بۆ ۲۰۰۶ دیپلۆمی ماجستێر لە ئەدەبی خەیاڵی بە دەست هینا. بەرهەمەکانی بە سێ زمانی کوردی، عەرەبی و فەرەنسی بڵاو بوەتەوە.
بەرهەمەکانی بە کوردی

نامۆیی سەر و هەرەسی دیمەنەکان، شیعر، ۱۹۹۴.
نەوەکانی مادایی، ڕۆمان، چاپی یەکەم چاپخانەی یاد، ۲۰۱۱. چاپی دووهەم دەزگای ڕەهەند بۆ چاپ۲۰۲۲.
بەسەرهاتەکانی خەزنە مەملوک، ڕۆمان، چاپی یەکەم چاپخانەی یاد، ۲۰۱۲. چاپی دووهەم دەزگای ڕەهەند بۆ چاپ۲۰۲۲.
لەبەرزایی شووراکانەوە، ڕۆمان، بەڕێوەبەرایەتیی چاپ و بڵاوکردنەوەی سلێمانی، چاپی یەکەم ۲۰۱۳. چاپی دووهەم دەزگای ڕەهەند بۆ چاپ۲۰۲۲.
شەوانی ئادەم، ڕۆمان، ناوەندی ڕۆشنبیریی ئەندێشە، ۲۰۱۵.
یادداشتی عەتر و ئاگر، ڕۆمان، ناوەندی ڕۆشنبیریی ئەندێشە، ۲۰۱۸.
ئەڤین و جەنگ، شیعر، ناوەندی ڕۆشنبیریی ئەندێشە، ۲۰۱۹.
کڕۆنێک، کۆمەڵە گوتار لەبارەی تیۆری ئەدەبی و هونەری. خانەی چاپی دەزگای ژیان، سلێمانی ۲۰۲۰.
دەریا و خەونە شاراوەکەی مەرجان. ڕۆمان، خانەی چاپی ڕەهەند ۲۰۲۱.
باڵندەکانیش دەنیشنەوە، ڕۆمان، خانەی چاپی ڕەهەند ۲۰۲۱.
ئەو هەرە کپە ژیاننامەی کۆڕەو، دەقێکی بەیان سەلمانە بە عەرەبی، وەرگێرانی لە عەرەبییەوە کاروان بازیان، خانەی چاپی ڕەهەند ۲۰۲۱.
تیۆرێما، دەربارەی چەند چەمکێکی ئەدەبی، خانەی چاپی ڕێگا ۲۰۲۱.

بڵاوکراوەکانی، وەرگێڕان:
وەرگێڕانی ڕۆمانی کهوف هایداهوداهوسی سەلیم بەرەکات لەعەرەبییەوە بۆ فەڕەنسی، ۲۰۰۸، خانەی چاپەمەنیی actes sud.
کاندید، ڤۆڵتێر، وەرگێڕانی لەفەڕەنسییەوە، ناوەندی ڕۆشنبیریی ئەندێشە، ۲۰۱۴.
شەقامی دوکانە تاریکەکان، پاتریک مۆدیانۆ، وەرگێڕانی لەفەڕەنسییەوە، ناوەندی ڕۆشنبیریی ئەندێشە، ۲۰۱۶.
مێتامۆرفۆس، ئۆڤید، وەرگێڕانی لەفەڕەنسییەوە، ناوەندی ڕۆشنبیریی ئەندێشە، ۲۰۱۸.
پێداچوونەوەی فەرەنسی، بە دوو دەقی وەرگێڕاوی توانا ئەمین کە لە زمانی فاراسییەوە کردویەتی بە کوردی: کەوتن ئەلبێر کامو و تریفەی مانگ مۆپاسان.
کەرکەدەن، پارچە شانۆگەری، خانەی چاپی سەردەم، ۲۰۲۰.
بە فەرەنسی بدوێ، (فەرهەنگی بچووک) ڕێنمایی زمانی فەرەنسی –کوردی، نووسینی بەیان سەلمان، حامید درودی و فیلێپ دولارب. خانەی چاپی سەردەم ۲۰۲۲.
چاپی دووهەمی ڕۆمانی: نەوەکانی مادایی؛ بەسەرهاتەکانی خەزنە مەملووک؛ لە بەرزایی شووراکانەوە.ڕۆمانی: ”ئاهەنگی تۆبەکردن”
بەیان سەلمان بەهەر سێ زمانی کوردی و عەرەبی و فەڕەنسی، چەندان گوتار و بەرهەمی له گۆڤار و ڕۆژنامە و وێب سایتەکاندا بڵاوکردووەتەوە. هەروەها، لە تەک دەیان شیعری جیهانیدا، شیعری ئەم شاعیرانەی وەرگێڕاوەتە سەر کوردی: مالارمێە، ڕامبۆ، ڤێرلین، سۆفی داربۆڤیل، ژان لۆران، ولییەم بلێیک، ئەلکسەندەر پۆپ، پۆل ڤالێری، گیلڤیک، لامارتین، ئەدونیس، سەلاح فایق، پۆل-ژان تولێە، لامارتین… [۱]
ڕۆمانی: ”ئاهەنگی تۆبەکردن”
ئامادەکاری دەق. مەنسور ئەمین نژاد
سەرچاوەکان .denegkan. شاخەوانی سدیق.wikipedia